जिल्ह्यात कुठे बसले भूकंपाचे हल्के झटके
दि.16 अमरावती
शनिवारला सायंकाळी 6:42 वाजता रिद्धपूरमध्ये भूकंपाचे हलके झटके जाणवल्याने गावकऱ्यांमध्ये खळबळ उडाली. जमीनीला हादर बसत असल्याचे पाहून गावकऱ्यांनी फोनव्दारे एकमेकांना माहिती देणे सुरु केले. तसेच आपआपसात माहिती घेतली असता भूकंपाचे झटके बसल्याची चर्चा गावकऱ्यांमध्ये होती. विशेष म्हणजे या महिन्यात तिसऱ्यांदा जमीन हादरल्याची माहिती गावकऱ्यांनी दिली. गावातील बहादुरपुर क्षेत्रात जमीनीतून वीजा कडाडल्या सारखा आवाज सुद्धा ऐकल्याची माहिती आहे.
[संग्रहित फोटो ]
याबाबत मोर्शी तहसीलदारांना सुद्धा गावकऱ्यांनी माहिती दिली. या संदर्भात नागपूरच्या जियोलॉजिकल सर्वे ऑफ इंडिया कार्यालयाकडून माहिती घेण्याचा प्रयत्न केला. मात्र माहिती मिळू शकली नाही.नाही. याबाबत राष्ट्रीय आपत्ती निवारण दलाचे (ठउपत्र) संबंधित अधिकारी अंकित मान यांना सुद्धा याबाबत माहिती देण्यात आली. अचानक झालेल्या या घटनेमुळे मात्र गावकऱ्यांमध्ये भीतीचे वातावरण निर्माण झाले आहे.
