शिंदेंची शिवसेना उद्या पहिली यादी जाहीर करणार; कोण असतील संभाव्य उमेदवार?
अमरावती बाबत अद्याप उमेदवारी स्पस्ट नाही
दि.२५ @विदर्भ प्रजासत्ताक
आगामी लोकसभा निवडणुकीसाठी आता सर्वच पक्ष तयारीला लागलेत. त्यात राज्यात महायुतीकडून भाजपाने २३ उमेदवारांच्या २ याद्या जाहीर केल्या आहेत. तर आता मुख्यमंत्री एकनाथ शिंदे यांच्या नेतृत्वाखालील शिवसेना पहिली यादी उद्या २६ मार्चला घोषित करण्याची शक्यता वर्तवली जात आहे.या यादीमध्ये अमरावतीचे नाव नसून यवतमाळ मधून शिंदेच्या शिवसेनेची पहिली यादी उद्या जाहीर होईल असं संजय मंडलिक यांनी सांगितले आहे.
रामटेकमधून राजू पारवे, वाशिम-यवतमाळमधून संजय राठोड यांना उमेदवारी मिळण्याची चर्चा आहे. तर मावळमध्ये श्रीरंग बारणे आणि कोल्हापूरातून संजय मंडलिक यांनाच उमेदवारी देण्यात येईल असं बोललं जाते. संजय राठोड यांचे नाव असल्याचे समोर आले आहे. मात्र अमरावती मधून भाजप कि शिवसेना शिंदे गटाचे कोण उमेदवार निवडणुकीच्या रिंगणात उतरणार हे अद्याप निश्चित झाले नसल्याचे सूत्रांची माहिती आहे.
संभाव्य उमेदवार?
रामटेक – राजू पारवे
वाशिम-यवतमाळ – संजय राठोड
ठाणे – प्रताप सरनाईक
कल्याण डोंबिवली – श्रीकांत शिंदे
दक्षिण मध्य मुंबई – राहुल शेवाळे
मावळ – श्रीरंग बारणे
कोल्हापूर – संजय मंडलिक
हातकणंगले – धैर्यशील माने
बुलढाणा – प्रतापराव जाधव
शिर्डी – सदाशिव लोखंडे
हिंगोली, उत्तर पश्चिम मुंबई, पालघर आणि नाशिकच्या जागेवर अद्यापही महायुतीत चर्चा सुरू आहे. नाशिकच्या जागेवरून शिंदे गट आणि भाजपा यांच्यातील संघर्ष तीव्र झाला आहे. नाशिकमध्ये पुन्हा उमेदवारी मिळावी आणि ही जागा शिवसेनेकडेच राहावी यासाठी हेमंत गोडसेंसह शिवसेनेचे पदाधिकारी, नेते यांनी ठाण्यात शक्तिप्रदर्शन केले.
