भावना गवळी विधानसभेच्या मैदानात?:रिसोड मतदारसंघातून निवडणूक लढवण्याची केली इच्छा व्यक्त
दि. १२ विदर्भ प्रजासत्ताक
राज्यात सध्या सर्वत्र निवडणुकीचे वातावरण निर्माण झाले आहे. आगामी विधानसभा निबवडणुकीच्या पार्श्वभूमीवर महाविकास आघाडी, महायुती सरकार तसेच इतरही अनेक पक्ष मोर्चेबांधणी करताना दिसत आहेत. याच सोबत तिसऱ्या आघाडीचा प्रयोगही होण्याची शक्यता आहे. वाशिमच्या रिसोड विधानसभा मतदारसंघातून आमदार भावना गवळी निवडणूक लढवण्यासाठी इच्छुक असल्याचे स्पष्ट झाले आहे.
रिसोडची जागा शिवसेना शिंदे गटाकडे आली आणि पक्षाने आदेश दिला तर आपण निवडणूक लढवू, असे म्हणत रिसोडच्या जागेवर भावना गवळी यांनी दावा केला आहे. भावना गवळी म्हणाल्या, पक्षाने आणि महायुतीच्या नेत्यांनी आदेश दिल्यास वाशिम जिल्ह्यातील तिन्ही विधानसभा मतदारसंघात महायुतीचे उमेदवार जिंकण्यासाठी काम कारणार असल्याचे त्यांनी म्हणले आहे.
