मेळघाट,अचलपूर,तिवसा आणि दर्यापुर मतदारसंघ नवनीत राणांच्या राडारवर
राजकुमार पटेल यांचे नाव न घेता नवनीत राणा यांची अप्रत्यक्षपणे टिका
विदर्भ प्रजासत्ताक
दि.७ दर्यापूर
कोणताही आमदार कुठल्याही पक्षात गेला तरी मेळघाटात फक्त भाजपचाच उमेदवार राहणार,मेळघाट असो वा दर्यापूर,अचलपूर असो किंवा तिवसा केवळ आणि केवळ कमळ चीन्हाचाच उमेदवार राहील आणि तोच निवडून येईल असा विश्वास माजी खासदार सौ नवनीत रवी राणा यांनी व्यक्त केला.
अमरावती जिल्ह्यात विधानसभा निवडणुकीचे वारे जोमाने वाहात असून आता स्वतःचा स्वार्थासाठी मेळघाटातील एका आमदाराने आपला पक्ष बदलला असून काहीही केले तरी मेळघाटात कमळ या चिन्हाचाच उमेदवार भारतीय जनता पार्टी देईल असा विश्वास माजी खासदार सौ नवनीत रवी राणा यांनी पदाधिकारी व कार्यकर्ता यांना देवून त्यांच्या मनातील संभ्रम दूर केला,तसेच गेल्या 10 वर्षापासून दर्यापूर मतदारसंघातून गायब असणारे आणि लोकसभेत भाजपसोबत गद्दारी करणारे आता आपल्यालाच तिकीट मिळणार या आविर्भावात फिरत आहेत पण या मतदारसंघातील भाजपा पदाधिकारी यांची दाळ शिजू देणार नसून आता दर्यापूर मतदारसंघात बाहेरचे पार्सल चालणार नसल्याचा घणाघात माजी खासदार सौ नवनीत रवी राणा यांनी केला आहे.
दर्यापूर मतदार संघात बाहेरचे पार्सल खपवून घेतले जाणार नाही स्थानिकानाच भाजपा उमेदवारी देईल आणि स्थानिकच उमेदवार निवडून येवू शकतो असेही नवनीत राणा म्हणाल्यात.
आपण भाजपा च्या विचारधारेचा प्रचार आणि प्रसार करण्यासाठी कटिबद्ध असून पक्ष देईल त्या कमळ चिन्हावर लढणाऱ्या उमेदवाराच्या विजयासाठी संपूर्ण ताकदीने प्रयत्न करून आणि जिल्ह्यातील मेळघाट,अचलपूर,दर्यापूर,तिवसा मतदारसंघात कमळ चिन्हावरील सर्व उमेदवारांना विजयी करण्यासाठी प्रयत्नाची पराकाष्ठा करू असल्याचे नवनीत राणा म्हणाल्या.
ही बातमी पण वाचा पण वाचा — अकोल्यात कुठे दगडफेक ? आमच्या ग्रुपला ज्वाइन व्हा व दररोज वाचा सांध्य मराठी दैनिक विदर्भ प्रजासत्ताक
