आई व मुलाच्या अंगावर पेट्रोल फेकून पेटविले 

आई व मुलाच्या अंगावर पेट्रोल फेकून पेटविले

विष घेऊन युवकाचा आत्महत्येचा प्रयत्न, पिंपळखुटा येथील घटना

विदर्भ प्रजासत्ताक

दि.१५पिंपळखुटा

येथून जवळच असलेल्या श्री संत शंकर महाराज पिंपळखुटा या गावात झोपेत असलेल्या आई व मुलाच्या अंगावर पेट्रोल फेकून त्यांना पेटविले तसेच पेट्रोल फेकणाऱ्या युवकाने स्वतः विष घेऊन आत्महत्येचा प्रयत्न केला.

पिंपळखुटा येथील मंगेश शामराव मेश्राम (वय ३५) याने रात्री १२ ते १ वाजताच्या दरम्यान झोपलेल्या अवस्थेत असलेल्या नंदा जानराव मेश्राम (वय ५०) व मुलगा नितीन जानराव मेश्राम (वय २८) यांच्या अंगावर खिडकीतून पेट्रोल फेकून जाळण्याचा प्रयत्न केला. काही वेळानंतर मंगेश मेश्राम याने विष प्राशन करून आत्महत्येचा प्रयत्न केला. या घटनेची वार्ता पसरताच गावकऱ्यांनी तातडीने या तिघांनाही रूग्णालयात नेले. गंभीर भाजलेल्या नंदा मेश्राम यांना उपचारार्थ यवतमाळ येथे नेत असतांना वाटेतच त्यांचा मृत्यू झाला तर नितीन मेश्राम हा ३० ते ४० टक्के भाजला गेला. त्यामुळे त्याला धामणगाव रेल्वे येथून नागपूर येथे हलविले. मंगेश मेश्राम याला अमरावती येथे जिल्हा शासकीय रुग्णालय येथे दाखल करण्यात आले आहे. अद्याप याबाबत कारण अस्पष्ट आहे. मंगरूळ पोलीस स्टेशनचे ठाणेदार गौतम इंगळे यांच्या मार्गदर्शनाखाली बिट जमादार मेश्राम व इतर कर्मचारी तपास करीत आहे.

ताज्या बातम्यांचे अपडेट वाचण्यासाठी आमच्या साईड ला भेट द्या !
अमरावती मधून नियमित प्रकाशित होणारा सांध्य दैनिक विदर्भ प्रजासत्ताक वाचा आता आपल्या मोबाईलवरच आमच्या ग्रुपला आजच जॉईन व्हा !