जिल्ह्यातील सर्व नवनिर्वाचित आमदारांचा सत्कार खा. अनिल बोंडे, आ. रवि राणांची उपस्थिती

जिल्ह्यातील सर्व नवनिर्वाचित आमदारांचा सत्कार

खा. अनिल बोंडे, आ. रवि राणांची उपस्थिती

विदर्भ प्रजासत्ताक

दि.२६अमरावती

: भावी मुख्यमंत्री देवेंद्र फडणवीस यांच्या मुंबई येथे सागर बंगल्यावर खा. डॉ अनिल बोंडे आणि आ. रवी राणा यांनी भेट घेतली. यावेळी देवेंद्र फडणवीस यांनी अमरावती जिल्ह्यातील सर्व नवनिर्वाचित आमदार रवी राणा (बडनेरा), आमदार प्रताप अडसड (धामणगाव रेल्वे), आमदार प्रवीण तायडे (अचलपूर), आमदार राजेश वानखडे (तिवसा), आमदार केवलराम काळे (मेळघाट) आणि आमदार उमेश उपाख्य चंदु यावलकर (मोर्शी) शाल- पुष्पगुच्छ देऊन स्वागत सत्कार केला. यावेळी अमरावती जिल्हा भाजप अध्यक्ष व राज्यसभा खासदार डॉ. अनिल बोंडे,आमदार रवी राणा यांचे अमरावती जिल्हा काँग्रेस मुक्त केल्याबद्दल अभिनंदन केले. डॉ अनिल बोंडे आणि रवी राणा यांनी देवेंद्र फडणवीस हेच मुख्यमंत्री व्हावेत, अशा शुभेच्छा दिल्यात.

अमरावती जिल्ह्यातील, मेळघाट, अचलपूर, मोर्शी, तिवसा, धामणगाव रेल्वे या पाच मतदार संघात भाजपचे तर अमरावतीत महायुतीमधील राकाँ अजित पवार गट, दर्यापूर शिवसेना शिंदे गट आणि बडनेरामध्ये वायएसपीचे रवी राणा यांना भाजपने पाठिंबा दिला होता. यात महायुतीचे अमरावती, मेळघाट, बडनेरा, तिवसा, अच लपूर, मोर्शी आणि धामणगाव रेल्वे या सात मतदार संघातील उमेदवार विजयी झाले असून काँग्रेसला मोठा धक्का दिला आहे. त्यामुळे भाजपचे विजयी पाच उमेदवार आणि आ. रवि राणा हे स्वतः मुंबईला पोहोचले आणि सत्कार करण्यात आला.