उद्या अमरावतीत मूकनायक पत्रकार सन्मान सोहळा

ज्येष्ठ विचारवंत ज्ञानेश महाराव, दिलीप एडतकर, राहुल गडपाले राहणार उपस्थित

अमरावती

मूकनायक पत्रकार सोहळा आयोजन समितीच्या वतीने दरवर्षी मूकनायक पत्रकार सन्मान सोहळा आयोजित करण्यात येत असून यावर्षी हा सन्मान सोहळा उद्या शुक्रवारी ३१ जानेवारी २०२५ ला सायंकाळी ६ वाजता स्थानिक   मातोश्री विमलाबाई देशमुख सभागृहात आयोजित करण्यात आला आहे.

या सोहळ्याला ज्येष्ठ विचारवंत, साहित्यिक ज्ञानेश महाराव उपस्थित राहणार असून त्यांच्या व्याख्यानाचा कार्यक्रम आयोजित करण्यात आला असल्याची माहिती मूकनायक पुरस्कार सोहळा समितीचे प्रा संजय शेंडे यांनी जिल्हा मराठी पत्रकार भवन येथे गुरुवार ता 30 रोजी पत्र परिषदेत दिली.

       मूकनायक राज्यस्तरीय पुरस्कार ज्येष्ठ पत्रकार विचारवंत ज्ञानेश महाराज यांना तर मूकनायक जीवनगौरव पुरस्कार दूरदर्शनचे प्रतिनिधी ज्येष्ठ पत्रकार यशपाल वरठे, सामाजिक दायित्व पुरस्कार लोकमत मेळघाटचे प्रतिनिधी नरेंद्र जावरे, छत्रपती शाहू महाराज पुरस्कार द हितवाद जिल्हा प्रतिनिधी प्रवीण कपिले, सामाजिक न्याय पुरस्कार दैनिक विदर्भ मतदार चे क्राईम रिपोर्टर रवींद्र खंडारे यांना निवड समितीने घोषित केला असल्याची माहिती प्रा संजय शेंडे यांनी दिली.

 कार्यक्रमाला अध्यक्ष  दैनिक विदर्भ मतदारचे संपादक अ‍ॅड. दिलीप एडतकर  राहणार असून, मुख्य अतिथी म्हणून सकाळ वृत्तपत्राचे समूह संपादक राहुल गडपाले उपस्थित राहणार आहेत. तर प्रमुख अतिथी म्हणून  खासदार बळवंत वानखडे, आमदार सुलभाताई खोडके, आमदार रवी राणा उपस्थित राहणार आहेत.  कार्यक्रमाला शहरातील नागरिकांनी मोठ्याप्रमाणात उपस्थित राहावे, असे आवाहन मूकनायक पत्रकार सोहळा आयोजन समितीचे संजय शेंडे यांनी दिली. पत्र परिषदेला मूकनायक पत्रकार सोहळा समितीचे प्रा मनीष भंकाळे, दिनेश जामणीक,छगन जाधव,  नयन मोंढे उपस्थित होते.