दोन वाघांची झुंज, एकाचा मृत्यू,मेळघाट व्याघ्र प्रकल्पाच्या वैराट जंगलातील घटना
अमरावती
सांबराची शिकार केल्यावर दोन वाघात झालेल्या झुंजीत एकाचा मृत्यू झाल्याची घटना शनिवारी सायंकाळी मेळघाट व्याघ्र प्रकल्पाच्या गुगामल वन्यजीव विभागातील वैराट परिसरात उघडकीस आल्याने एकच खळबळ उडाली आहे.
अलीकडे भारतात वाघांची संख्या वाढल्याची माहिती असतानाच वैराग येथील दोन वाघांच्या झुंजीत झालेला मृत्यू यासंदर्भात वनाधिकाऱ्यांनी तपास चालविला आहे. वाघाचा मृत्यू झाल्याची अधिकृत माहिती विभागीय वन अधिकारी मनोज कुमार खैरनार यांनी दिली. तर मानद वन्यजीव रक्षक जयंत वडतकर यांनी या संपूर्ण घटनेचा तपास सुरू असल्याचे सांगितले. शनिवारी संध्याकाळी सुमारे 5 च्या आसपास गस्ती वर असताना वैराट वर्तुळ मधील पचंबा बिट 34 वनखंड क्रमांक मध्ये हि घटना उघडकीस आली .पशुवैद्यकीय अधिकारी यांच्या तपासणी नुसार प्रथम दर्शनी दोन वाघाच्या भांडणामध्ये या वाघाचा मृत्यु झाल्याचे दिसून येते. याबाबत अधिकचा तपास सुरु आहे. आसपासच्या सर्व क्षेत्राची पाहणी करून पाणवठे तपासणी करून सदर जागेवर कॅमेरा ट्रॅप लावण्यात आले आहेत.
@ विदर्भ प्रजासत्ताक वेब न्यूज
आमच्या वेब न्यूज पोर्टल ला जॉईन व्हा व वाचा प्रत्येक अपडेट सर्वात आधी
