भारताचे श्रीलंका दौऱ्याचे वेळापत्रक जाहीर, गौतम गंभीरची पहिली परीक्षा,
मुंबई
भारत आणि श्रीलंका यांच्यात जुलै आणि ऑगस्टमध्ये वन-डे आणि टी-20 मालिका खेळवली जाणार आहे. त्या दौऱ्याचे वेळापत्रक आज जाहीर करण्यात आले. भारत आणि श्रीलंका यांच्यातील टी-20 मालिका २६ जुलैपासून सुरू होणार आहे, तर वन-डे मालिका १ ऑगस्टपासून खेळण्यात येणार आहे. टी-20 मालिका पल्लेकल येथे खेळवली जाईल, तर वनडे मालिकेतील तीनही सामने कोलंबोमध्ये खेळवले जातील. टीम इंडियाचा श्रीलंका दौरा हा मुख्य प्रशिक्षक म्हणून गौतम गंभीरची पहिली परीक्षा असणार आहे.
T20-ODI मालिकेचे वेळापत्रक
पहिला टी२० सामना – २६ जुलै – संध्याकाळी ७ वा.
दुसरा टी२० सामना – २७ जुलै – संध्याकाळी ७ वा.
तिसरा टी२० सामना – २९ जुलै – संध्याकाळी ७ वा.
पहिला वनडे सामना – १ ऑगस्ट – दुपारी २.३० वा.
दुसरा वनडे सामना – ४ ऑगस्ट – दुपारी २.३० वा.
तिसरा वनडे सामना – ७ ऑगस्ट – दुपारी २.३० वा.
विराट-रोहितला विश्रांती?
श्रीलंका दौऱ्यासाठी टीम इंडियाची लवकरच घोषणा होणार आहे. मिळालेल्या वृत्तानुसार, विराट कोहली आणि रोहित शर्मा या दौऱ्यावर जाणार नाहीत. तसेच याशिवाय जसप्रीत बुमराहलाही विश्रांती देण्यात येऊ शकते. हार्दिक पांड्या टी-20 संघाचा कर्णधार असेल, तर केएल राहुलकडे वनडे संघाचे नेतृत्व सोपवले जाईल. पण अद्याप याबाबत अधिकृत माहिती देण्यात आलेली नाही.
