मेळघाट मधील सेमाडोह जवळ भरधाव खासगी प्रवासी बस पुलावरुन नदीत कोसळली
6प्रवाशांचा मृत्यू,७ प्रवासी गंभीर जखमी तर २५ किरकोळ जखमी
विदर्भ प्रजासत्ताक दि.२३ सेमाडोह
आज सकाळी खासगी प्रवासी बस पुलावरुन नदीत कोसळल्यानं मोठी खळबळ उडाली. ही घटना मेळघाटातील सोमाडोह परिसरात धारणीजवळ घडली. या बसमधील अनेक प्रवाशांना मोठी दुखापत झाल्यानं घटनास्थळी स्थानिक नागरिक ,पोलीस पथकाने बचावकार्य करीत जखमी प्रवाश्याना बाहेर काढले मात्र या अपघातात 6 प्रवाशांचा मृत्यू झाला असून २५ जखमी प्रवाशांना अचलपूर उपजिल्हा रुग्णालयात उपचार सुरु असून त्यापैकी ७ प्रवासी गंभीर जखमी असल्याने त्यांना जिल्हा शासकीय रुग्णालय ( इर्विन) येथे उपचारासाठी दाखल कऱण्यात आले आहे व उर्वरित १८ प्रवाशांच्या इलाज अचलपूर उपजिल्हा रुग्णालयात सुरु आहे.
मेळघाटाच्या सेमाडोह लगत अमरावतीवरुन धारणीकडं जाणारी भरधाव ट्रॅव्हल्स बस पुलावरुन नदीत कोसळली. ही खासगी बस अमरावतीवरुन धारणीला निघाली होती. चावला या खासगी ट्रॅव्हल्स कंपनीची बस नेहमीप्रमाणं सकाळी सहा वाजता अमरावती येथून धारणीला निघाली. सकाळी साडेआठ वाजेच्या सुमारास सेमाडोह इथल्या भूतखोरा परिसरात धोक्याच्या वळणावर असणाऱ्या नदीच्या पुलावर बस चालकाचं नियंत्रण सुटलं आणि ही बस पुलाखाली नदीत कोसळली.
हा अपघात घडताच सेमाडोह इथले नागरिक घटनास्थळी धावून गेले. व्याघ्र प्रकल्पाचे कर्मचारी देखील घटनास्थळी पोहोचले. नदीत कोसळलेल्या अपघातग्रस्त बसमधील प्रवाशांना सुरक्षित बाहेर काढण्यासाठी प्रयत्न करण्यात आले. या अपघाताची माहिती परतवाडा, चिखलदरा आणि धारणी पोलिसांना देण्यात आली. या तिन्ही शहरातून बचाव पथक अपघातस्थळी तात्काळ रवाना झाले
आज सकाळी 8 वाजता हा भीषण अपघात झाला.
ताज्या बातम्यांचे अपडेट वाचा दररोज आता आपल्या मोबाईलवरच
सांध्य दैनिक विदर्भ प्रजासत्ताक मध्ये [ नियमित प्रकाशित ]
आजच आमच्या ग्रुप ला जॉईन व्हा !
